> فن وثقافة

اسمع من عّم عبده

كتب : عبدالعزيز العيسلي | 2019-09-02 07:34 PM

يا اللي انت غاوي تسمعنا كلامنا حلو وليه معنى

الفن برضوا بينفعنا ويرفع عنا هم كبير..

ياللي انت غاوي محمد رشدي..

عندنا برضوا الفن البلدي.. هنسمعكم يا ليل يا عين.. وزجل واغاني حلوه وزين..

يا اللي انت غاوي.

ياللي انت غاوي عمرو دياب..

فننا برضوا ليه أحباب..

خليك فبيتك واقفل الباب..

متجلناش متسمعناش..

انت كمان متلزمناش..

يااللي انت غاوي.

يا اللي انت غاوي مدحت صالح..

وفنانين اول امبارح.. الله يرحم شفيق جلال.. ومحمد طه ملك الموال..

ما خلاص يا ابني على الفن السلام..

يا اللي انت غاوي.

يا اللي انت غاوي حسن.. الاسمر متتأنزحش وتتمنظر.. وان كنت عاوز تحلي..

تعالى واسمع ابو متولي..

دا فنه جميل وبيخلي.. كل الناس على النبي تصلي

يا اللي انت غاوي.

يا اللي انت غاوي الصغير.. سعد..

قوله كمان يوفي بالوعد.. العنب والفاكهه حطوة في حيره .. عشان مبيقولش على التسعيرة.. والعنب والبلح غالي يا نينا..

يا اللي انت غاوي..

يا اللي انت غاوي بهاء سلطان.. احنا اللي هنكسب منكم الرهان.. سلامنا ليكم وامانينا.. وهنسمعكم أغانينا.. دا كلامنا حلو ومستوي.. والله إحلويتي أوي... وجمالك زاد بالأوي ..

في الماضي ليكي اسطوره.. فاكرينها لسه ومشهوره..

يا بلدنا يا حلوة يا منصورة.. وجمالك حلو ومستوي..

والله احلويتي اوي .

لويس جا يهاجم بجيوشه.. فاكر منقدرش نحوشه..

شجرة الدر قدامه.. هزمته هو وأعوانه.. جاي من بلاده فينا شمتان.. لازم يرجع ليها خيبان..

في الماضي ليكي اسطوره.. فاكرينها ولسه ومشهور ..

يا بلدنا يا حلوة يا منصورة.. وجمالك حلو ومستوي..

والله احلويتي اووووى.

غزا دمياط واستولى عليها.. قال ناخد المنصوره في رجليها..

لاقى جيش هناك وبيستناه.. بشومه وفاس وبضرب اتاه.. وخد مليكهم في الاسر رماه..

وجمالك حلو ومستوي..

والله احلويتي أوي.

في الماضي ليكي اسطورة فاكرينها لسه ومشهورة يا بلدنا يا حلوة يا منصورة وجمالك حلو ومستوي

والله واحلويتي اوووي.

ياللي انت غاوي.

ابن لقمان بيناديها..

جزيرة الورد يحيها..

بيقول في داري أثرت لويس..

ايه اللي جابك هنا ياموريس..

هل ضاقت بيك أرض

باريس.. !؟

ياللي انت غاوي.

في الماضي ليكي أسطورة.. فاكرينها لسه ومشهورة..

يا بلدنا يا حلوة يا منصورة.. وجمالك حلو ومستوي..

والله واحلويتي اووي.

عدد الزيارات : 3072 زيارة

قد ترغب


شوارزنيجر يتعافى بعد إجرائه عملية جراحية ثانية في قلبه	منظمة «الكسو» تقر توصيات لتعزيز العمل العربي الثقافي المشترك	ليلة من ليالي الثمانينات بألحان الراحل راشد الخضر

كل التعليقات

لا توجد تعليقات علي هذا الموضوع

آخر الأخبار

إقرأ أيضا

رأيك يهمنا

أقسام الموقع