> مقالات

إسمع من عم عبده

كتب : عبدالعزيز العيسلي | 2019-09-16 06:26 PM

إسمع من عم عبده

"خاف يا ابن آدم"

خاف يا ابن آدم ساعة الندامة..

هتقوله إيه يوم القيامة...؟!

هتقول يا ريتني ما كنت عملت..

ورجعت اْندم تاني على الذنب.. !

أتقن عملك..ليخيب أملك..أوي بزيادة..

بدل ما تظلم ٱعمل ثوابا..

خاف يا ابن آدم ساعة الندامة

إن كنت طبيب مستشفى..عيادة..

ليه تفرق بين غني وغلابة..

تكشف عليه سماعه وإشاعه..!

أما الفقير بشوية دلاعه..

أتقن عملك..ليخيب أملك..أوي بزيادة..

بدل ما تظلم اعمل ثوابا..

خاف يا ابن آدم ساعة الندامة.

إن كنت مدرس يا عم حمزة..

عامل ضميرك مع التلامذة..

على درس خصوصي متغصبوش..

ما دام بيفهم لازم هيوصل بر السلامة..

أتقن عملك.. ليخيب أملك.. أوي بزيادة..

بدل ما تظلم اعمل ثوابا..

خاف يا ٱبن آدم ساعة الندامة.

إن كنت سائق كميون يا تاكسي ..

أو ميكروباص خطر تهدي ..

وخاف على الناس.. متجورش وتجري..

وٱطلب الأجرة برحمة وعدالة..

أتقن عملك..ليخيب..أملك أوي بزيادة..

بدل ما تظلم ٱعمل ثوابا..

خاف يا ٱبن آدم ساعة الندامة .

إن كنت تاجر حبوب بقالة..

اظبط ميزانك على العلامة..

وإن بعت شيء للأكاله..

من جبنة للانشون لحلاوة..

اغسل إيديك دي أمانة..

أتقن عملك ..ليخيب أملك..أوي بزيادة..

بدل ما تظلم ٱعمل ثوابا..

خاف يا ٱبن آدم ساعة الندامة.

إن كنت محامي ولا قاضي ولا ظابط..

خلي بالك من الضوابط..

وإن كنت حاسس بالمظلوم ..

انصره لو هتخالف القانون ..

ولا يغركش شيطان المال ..

ولا تآمن للوسائط ..

مش هينفعوك في جهنم ..

وأنت محروق و شايط ..

أتقن عملك..ليخيب أملك..أوي بزيادة..

بدل ما تظلم اعمل سوابا..

خاف يابن آدم ساعة الندامة.

عدد الزيارات : 2532 زيارة

قد ترغب


أين يمكنك بناء جدار عازل للموت؟	امير الحكمة .. أزال الغمة ..	التفاؤل والتشاؤم من انتخابات 22

كل التعليقات

لا توجد تعليقات علي هذا الموضوع

آخر الأخبار

إقرأ أيضا

رأيك يهمنا

أقسام الموقع

جميع الحقوق محفوظة © الوحدة2015