> مقالات

اسمع من عّم عبده

كتب : عبدالعزيز العيسلي | 2019-09-21 12:09 PM

اسمع من عّم عبده

يا ساعي البريد جوباتك ليه بتغيب..!؟

بعت كتير مراسيل مجاش رد الحبيب ..!

وفين الرد ما تجيب..

وحياتك ما تغيب..

يا ساعي البريد .

لو كان ضناك الهوى..

الصبح بعت سلام.. مجاش رد الكلام..!

والشمس خلاص هتغيب..

وانا سهران ما بنام..

وفين الرد ما تجيب..

وحياتك ما تغيب..

يا ساعي البريد.

لو كان ضناك الهوى..

كنت جبت الدوا..

وسعفت العليل..

قبل ما يزيد في العيا .

وفين الرد ما تجيب..

وحياتك ما تغيب..

يا ساعي البريد .

كده زودت الشوق والكاس امتلأ..

والفكر ما بيسبني علي طول السنه..

مين غيركم يطمني على الأهل والولد..

والغربه دي نار في القلب مشعلله ..

وايامها طويلة وآخر بهدله ..

وما باليد حيلة يا مصر يا طيبة ..

وفين الرد ما تجيب..

وحياتك ما تغيب..

يا ساعي البريد.

يا ساعي البريد اجري في الطريق ما تتعطل..

كمل جميلك.. في عينيه تكبر و تتقدر..

انا بدي أسألك.. ليه كل ما ابعت سلامي للحبايب بدري بيوصل..!؟

وليه ردهم ليا عليا بيتأخر..!؟

هو انت تقصد القلب يزعل.. والعيون تمطر..!؟

يا ساعي البريد اجري في الطريق ما تتعطل.

يا طيارة السلام يا واقفه في المطار منتظرة الطلعة الجاية..

إن كنت مسافرة مصر يا حلوة استني شويه..

هكتبلك سلاماتي لأهلي واولادي اللي غاليين عليا..

وحياتك ما تنسي.. قبل ما تمشي.. استني شويه..

احسن ساعي البريد مش سائل فيا..

ياقبطان السفينة ياطالع من المينا من جدة..

ساعت ما توصل مصر..

لا تستني صبح.. ولا تسأل على عصر ..

وصلهم سلامي..قولهم زيدو المودة ..

باذن الله انا راجع هتزيد المحبه..

وفين الرد ماتجيب..

وحياتك ما تغييب..

ياساعي البريد.

كده زودت الشوق والكأس امتلأ..

والفكر ما بيسبني على طول السنة..!

مين غيركم يطمني على الأهل والولد..

والغربة دي نار في القلب مشعللة..

وأيامها طويلة وآخر بهدلة..

وفين الرد ما تجيب..؟

وحياتك ماتغيب..

ياساعي البريد.

عدد الزيارات : 1677 زيارة

قد ترغب


(إلى متى..؟!)	آيلتس الجامعيين ونوّاب الإبتدائي	وطني الي اين ؟؟

كل التعليقات

لا توجد تعليقات علي هذا الموضوع

آخر الأخبار

إقرأ أيضا

رأيك يهمنا

أقسام الموقع

جميع الحقوق محفوظة © الوحدة2015