> مقالات

فرحة وطن

كتب : مهدي الجابري |
فرحة وطن

دامها دعوة وطن يكفيك ياشعري صيام 
          فز وافطر بالقوافي لي تشد الإنتباه 

          من تحاشا مدح داره ذا يعد أكبر حرام 
          كيف لوهو عيد داره والفرح واصل مداه

          أنصتو ياجمع وأرجوا حرموا كل الكلام 
          بس صلوا عا محمد واذكرو ربّ بسماه

          واستهل أول كلامي بالتحيه والسلام
          وابتسامة  تسعد اللي دوم يشكي من عناه 

          شاعرٍ سقت القوافي سيل والعالم نيام 
          والنجوم استنفرت والبدر يحملني ضياه

          والظلام اللي حضن كوني توشحته حِرام
          واعتمرت بواد عبقر طوع وبديت الصلاه 

          صب ياحبري حروفك ف الورق مسك وخزام
          لين ترضي كل ذوق بعطر يسحر من شذاه 

          دامها فرحة وطن ماشي على العاقل ملام
          لورمى بشماغ راسه والوطن يقمح ثراه

          كيف لا واحنا نعيشه حب من فوق الغمام
          واقتطعنا من شعاع الشمس له أطهر رداه

          والمجرّه كل بوها عقد عا صدره وسام
          والسماء تاجه وهذا يمكن اشوى مستواه 

             واحد وسبعين أثمر عام يسوى الف عام 
             وابنه الشهر الأخير اثنين يامحلى جناه 

          أربع أربع واربعين أعوام للعزه سنام 
          إفخر  إفخر ياشعب أبٍ وَذَا الموطن ضناه

          ياشمس فوق الكواكب ياذخيره ياحزام
          ياجنان بكون ربي من مداه إليا مداه 

          من رمل ليوا نقشنا للفجيرة حن سهام
          ماتوطينا صروف الوقت لويعلن قساه

          نام ياتحفه فريده في حِما رب الأنام 
          ودام كل شعبك جنودك مات بكفوفه عداه

          إرث خير الاولين الْيَوْمَ للرضع فطام 
          من بنوا أرض السعاده واسعد شعوب الحياه 

          من تغذو بالتسامح والتعايش في سلام
          بس لاتدحق طرف بركان يحرقك بلضاه

          عيشي بلاد اتحادي عيشة أخيار الكرام
          قبل قو زنودنا .. حصنتك باسم الاله 

          يرحم الله روح زايد دايم بمسك الختام
          وطالت سنينك خليفه بحق طه خير جاه. 

عدد الزيارات : 1557 زيارة

كل التعليقات

    لا توجد تعليقات علي هذا الموضوع

اضف تعليق

آخر الأخبار

إقرأ أيضا

رأيك يهمنا

alwehdanews@hotmail.com

أقسام الموقع

جميع الحقوق محفوظة © الوحدة2015